| 為免分開兩個 blogs 但寫同樣嘅嘢，由而家開始我會 focus 喺 Yahoo blog 寫，請大家去呢個 link... http://hk.myblog.yahoo.com/changmaggie 麻煩晒！！ |
| |
| 做了車主差不多一年，最不願意發生嘅事終於發生咗，我撞車了．．． 事緣我車完同事 Bingo 返屋企後，喺一個迴旋處諗住 U-turn，我喺左線打右燈轉緊右之際，有一架私家車喺右線後方毫無收油之意咁直衝過來，BOM 一聲我嘅車頭右燈飛脫，膠碎散佈地面！ 我哋停低落車，但我發現隻車門已經撞到開唔到，對方係一個男人with女朋友，正當佢係咁話我唔可以右轉之際，真係 "和諧teen空下"，有一個少數族裔男人走過來同我講 "小姐，妳唔駛驚，我目擊成件事，係佢唔岩，妳係女仔，佢蝦妳之嘛！" 嘩，原來呢個世界仲有d 咁見義勇為嘅人架，仲要係少數族裔人士！嗰刻我雖然好驚，但好感動好想喊！今次真係不幸中之大幸，撞正我嗰邊我都無受傷，仲要遇到一個咁正義嘅目擊証人，真係 thanks God~ 多謝所有關心我嘅朋友，大家唔駛擔心，我無受傷，只係嚇咗一餐！  
講完ｄ驚嚇嘢，俾大家睇返ｄ可愛嘢 balance 返！又到聖誕，又到聖誕～佢哋就係 "歪眼雪人在漆黑中起舞" 喇！ 
|
| |
| 上個星期吉吉周吉佩做咗成個星期 "純粹嬉戲Hey" 嘉賓主持，多謝佢星期五真係嚟咗apm支持我哋！完show之後我同吉吉遊咗個好驚險嘅車河，因為有人話好耐無揸車好想玩，咁我就捨命陪君子地將我架車同我條命交俾佢，做一個 "最勇敢的乘客"！吉吉一路揸，我一路話 "我仲未結婚，我仲要生仔架，你小心d呀" 哈哈~ 好在最終都安全到達！    
自從大半年前買咗車之後，好多人問我點解一直都唔 post 架車 d 相上 blog ... 今日我嘅乘客幫我影咗一張 "專心揸車照"，終於可以 post 出來喇！ 
其實我每日都有兩個乘客架，佢哋好乖，去邊都陪住我，仲唔嫌棄我樣衰衰又肥嘟嘟，日日都 (被迫) 望住我揸車！等我隆重介紹佢哋俾大家識啦 ... 左面嘅係 Hello Kitty 香香公主，右面嘅係呆滯粉紅小兔兔！下次再介紹其他 "乘客" 俾大家認識啦！ 
|
| |
| 瑪姬喺呢個暑假請嚟 Union Dance Studio 星級跳舞導師 設計一個 9 小時嘅跳舞課程 誠邀紮紮跳坐唔定嘅你 喺今個星期日 8 月 17 號，下晝 2 點鐘 親臨黃埔花園新城電台門口 喺瑪姬同埋星級評判 王友良，四葉草女主角龔嘉欣 同 關婉珊 面前施展渾身解數 表現最好嘅 40 位即可免費參加 為期 6 堂嘅〔瑪姬舞王館〕暑期跳舞團 課程完結後，表現最好嘅 20 位可獲安排試踏台板表演 更加有機會同嚟自日本同L.A.嘅跳舞導師交流 終極嘅一位優異生更會獲贈價值＄20,000專業舞蹈訓練課程作獎勵 為你燦爛嘅跳舞星途揭開序幕！ 為咗令大家知道跳舞嘅好處 & 重要性 我不惜搵返 一張喺 06 年一個新城活動入面，我喺台上跳舞嘅相，post俾大家睇！ 
唔好笑住，如果你唔想跳到好似我咁，就記住要參加〔瑪姬舞王館〕暑期跳舞團啦！ |
| |
